Miljö, Jan und Griet

Miljö, Jan und Griet Video

Songtext Jan und Griet von Miljö

Erscheinungsjahr: 2014

Jan un Griet

Keiner hät wie do minge Kopp su verdrieht
schon beim allereetste Leed
Et wor Januar, ich nohm dinge Hand,
mir sin dä janze Wäg zom Chlodwigplatz jerannt

Manchmol lauf ich et naaks noch do lang
un denk aan Dich

Dann fang ich aan zo dräume
un em Draum nemm ich dich en dä Ärm
un verjess, wie dat usjeiht,
dat et niemols su sin weed
su wie domols beim Jan un beim Griet

“Bes zom nächste Mol”, han ich dir jesaht
un dat zo Huus wä op mich waad
Dat es lang ald her un vill es passeet,
ich wööd su jähn ens wisse, wie et dir jetz jeiht

Manchmol lauf ich allein durch de Südstadt
un denk aan Dich

Alles es jod, ich kumm heh schon klor,
denk nor manchmol aan jestern,
aan dat, wat nie wor,
un et Radio spillt dat Leed vun ons zwei,
zo däm mir ens jedanz han, ‘ne Augebleck frei

un op mingem Hätz tätowiert steiht
“för Dich reserviert”

Un ich fang aan zo dräume
denn em Draum nemm ich Dich en dä Ärm
un verjess, wie dat usjeiht,
dat et niemols su sin weed
su wie domols beim Jan un beim Griet

Diese Karnevalvideos könnten Dir auch gefallen...

Schreib einen Kommentar

Deine E-Mail-Adresse wird nicht veröffentlicht. Erforderliche Felder sind markiert *