Höhner, Ming Stadt, Video

Songtext, Höhner, Ming Stadt

Et jov en Zick, an die denk ich jän zoröck
en dä Stadt, die ich ens jot jekannt.
En dä ahle Schull hatte mer uns off en dt Woll
un em Schwimmbad holte mer uns Sonnebrand.
Mer han em Büdche jestritz, sin jerannt wie dr Bletz
un trofen uns dann bei uns om Plätzje
Do hammer Fußball jespillt, woren off janz schön wild
en dä Stadt, die ich ens jot kannt.

Mer sin em Park römjetollt, krächten de Nas dovun nit voll.
Als Pänz han mer kein Zick jekannt.
Wor ens ne Schrom em Knee, dat dät bestemp nit lang wih.
Bahl donoh sin mer ald widder loßjerannt.
Mer soße jän unge am Ring, zallten Möve op d´r Ling
un han jedem SCheffje zojewunke
Han öm Ömmere jewett, loge nie zo fröh em Bett,
en dä Stadt, die ich ens jot kannt.

Ming Kindheit verjing vell zo flöck,jo die Uhr driht sich nit zoröck
en dä Stadt die ich en jot jekannt.
Mr süht kaum noch Pänz mih do, wo su vell Platz zom Spille ens wor,
dä Park es jetz e Stöck vun ener jroße Stroß.
Op unsre ahle Fußballplatz han se en Baustell hinjesatz
un och dat kleine Büdche es verschwunde
Weil ne moderne Supermaat wohl jet mih ze beede hat,
en dä Stadt die ich ens jot kannt.

Wohin ich och jon, su vell Jrön woot zo Beton
un de Hüser klemme immer hüher.
Doch hät die Stadt och e neu Jeseech, su bliev se doch för mich,
ming Stadt, die ich als Kind jot kannt.

Ähnliche Videos

1. Hoehner, Hey Koelle do be e Jeföhl, Video
2. Hoehner, Wann jeiht dr Himmel widder op, Video
3. Hoehner, Skyline vun Koelle, Video
4. Hoehner, Echte Fruende, Video
5. Hoehner, Wie mr et maeht, Video
6. Hoehner, Kumm halt mich fest, Video
7. Hoehner, Unser Haetz schlaet foer dr FC Koelle, Video
8. Hoehner, Karussels un bunte Buedcher, Video
9. Hoehner, Leever en Moesch en dr Hand, Video
10. Hoehner, Et maet immer noch Spass, Video

Keine Kommentare

Noch keine Kommentare.

RSS-Feed für Kommentare zu diesem Artikel. TrackBack URI

Einen Kommentar hinterlassen