Brings, Nix is verjesse, Video

Songtext Nix is verjesse, Brings

Die scheife Tön, vun dinger eeschte Jitta.
Jäje de Wäng vun dem Hingerhoff.
De Nohberslück schänge bovven am Finster.
Du woß jenau: Dat jitt widder Zoff.

Du moots sei han, dieselve Jitta wie dä dude Hippie an dinger Wand.
De Mamm hät d’r letzte Penning jejovve.
Nit eimol em Levve hät sei dich verkannt.

Un en d’r Schull wor dat och nit anders.
“Hät keine Zweck!” han se d’r Mamm jesaat.
“Ne flinke Finger, doch em Kopp jet langsam.”
Su han se ding Muse he plattjemaat.

Nix is verjesse. Nix is vörbei.
Wat et och es – ehr sid immer noch zwei.
Un wenn du hück ding Jitta spills, es de Mamm met dobei.
Nix is verjesse.

Do jov et nor eins – dat es: Spille! Spille!
Bes dat de Finger blodich sin.
D’r Pap es am floche un de Mamm am laache.
Wat et och wor: Sei kräch et immer hin.

Vill ze fröh wood sei üch jenomme.
Et moot wiggerjon, och ohne de Mamm.
D’r Pap es allt lang nit mih am schänge.
Villeich es ör Zick jetz dran.

Nix is verjesse. Nix is vörbei.
Wat et och es – ehr sid immer noch zwei.
Un wenn du hück ding Jitta spills, es de Mamm met dobei.
Nix is verjesse.

De Mamm hät sich vör dich jestallt.
Wat et och wor – sei hät nit lang verzallt:
“Minge Jung hät immer Räch. Wie och anders? De Welt es schläch!”
“Minge Jung hät immer Räch. Wie och anders? De Welt es schläch!”

Nix is verjesse. Nix is vörbei.
Wat et och es – ehr sid immer noch zwei.
Un wenn du hück ding Jitta spills, es de Mamm met dobei.
Nix is verjesse.

Ähnliche Videos

1. Brings, Wem jehuert die Stadt, Video
2. Brings, Immer widder, Video
3. Brings, Neue Dach, Video
4. Brings, Wenn et einmol laeuft, Video
5. Brings, Loss dir nix jefalle, Video
6. Brings, Handvoll ze Fresse, Video
7. Brings, Wäm jehürt die Stadt, Video
8. Brings, Papp ich han dich jähn, Video
9. Brings, Rään, Video
10. Brings, Am Engk vun dr Wieße Ling, Video

Keine Kommentare

Noch keine Kommentare.

RSS-Feed für Kommentare zu diesem Artikel. TrackBack URI

Einen Kommentar hinterlassen