Bläck Fööss – Am Dude Jüdd -Video

Songtext – Bläck Fööss – Am Dude Jüdd

Well mer laache – sich vermaache,
muß noh’m “Dude Jüdd” mer gon,
wo se Walzertempo danze,
wo de Löhrgaß hät et Ganze,
wo met Schlöppcher – Polkaköppcher
sich bewäg de Nobeleß,
wo präzis faß jede Sonndag,
unter anderm Stammgaß es:

Et Schäfersch Nett, et Schruppe Zillige,
et Leppenbell, dat danz gewöhnlich d’r Kadrillje,
et Seife-Klör em Sonndagsstaat,
alles War vum Tietze Leienad,
et Schmitze Plünn em fußfrei Röckche,
et fussich Julche met de lila, lila Söckcher
un et “Juß”, o stäänekränk,
meschtendeils d’r Dreitritt schwenk.

Su zo schwevve – es e Levve
für die Stollwercks-Hotvullee,
keinen Danz weed üvverschlage,
nor geschweiß un nix em Mage.
Schleif de Lappe – nor berappe
Usus es am “Dude Jüdd” -
trotzdem sin wie us dem Hüsche,
spellt de Musik: “Nimm mich mit”:

Et Schäfersch Nett…

Immer friedlich un gemütlich
geiht am “Dude Jüdd” et zo,
ävver nor beß 9 – 10 Ohre
die Gemütlichkeit deiht dore.
Denn vum Driehe – op de Ziehe
sin nachher se doll un voll,
alles fängk sich ahn zo plöcke
un et hät sich met der Woll:

Et Schäfersch Nett…

Ähnliche Videos

1. Bläck Fööss, Mer bruche keiner, Video
2. Bläck Fööss, Frankreich Frankreich, Video
3. Bläck Fööss, Sirtaki Video
4. Bläck Fööss, Huusmeister Kaczmarek, Video
5. Bläck Fööss, Dat Wasser vun Kölle, Video
6. Bläck Fööss, Let´s Dance, Video
7. Bläck Fööss, M’r loosse de Dom in Kölle, Video
8. Black Fööss, Achterbahn, Video
9. Bläck Fööss, Och wat wor dat fröher schön doch in Colonia, Video
10. Bläck Fööss, Du bess die Stadt, Video

Keine Kommentare

Noch keine Kommentare.

RSS-Feed für Kommentare zu diesem Artikel. TrackBack URI

Einen Kommentar hinterlassen