BAP, Frau Ich Freu Mich, Video
BAP, Frau Ich Freu Mich, Video
Songtext, BAP, Frau Ich Freu Mich
Dat ess ald widder su en Naach, en der et wie uss Kanne räänt,
dä letzte Rest vun mir ahm Steuer hängt un Richtung Kölle jähnt.
Woor dä komisch hück dä Auftritt, ich woor nit besonders dropp.
Wenn dat nit baal ze rääne ophührt… woröm blend dä denn jetz op?
Hann ming Fingernäjel baal bess ahn de Schultern affjekäut
un die Kassett vum Springsteen ald zem zehnte Mohl erinnjedeut.
Wat ahn’ner Autobahn romantisch ess, do blick ich noch nit hinger,
un dä Mond vun Wanne-Eickel ess no wirklich nit dä Bringer!
Ref:
Frau, ich freu mich unbeschreiblich op dich!
Jawohl, ich freu mich, freu mich wirklich op dich!
Klar, ich freu mich tierisch op dich!
Ich maach et Radio ahn un paar Minute späder widder uss,
denn do kütt usser Peinlichkeite wirklich keine Ton eruss.
Et interessiert halt nit, wenn einer sing, datte nur mir jehührt.
Et ess mir naaks om drei ejal, wer – wie – woröm ‘ne Jet entführt.
Ich will nix wesse vun dä Bettwäsch, vun Prinz Charles un Camilla,
un selvs, dat dat wer interessiert, okay, vun mir uss wunderbar.
Ich stell mich op et Jaaspedal als wöör hück Wüstenrot-Naach
un freu mich wirklich op dich. Ich freue mich ald der janzen Daach.
Ich wöös ens jähn, woröm dä Vati met dämm Sticker “Let’s go West”
mich nit vorbeilööt. Oh, die Typen hass ich wirklich wie die Pest.
Met ihre Autonummer op et Sofakesse dropjesteck,
dä Klopapierroll em jehäckelte Etui diskret versteck.
Birch eraff, met Röggewind – minge Speed weet gigantisch.
Ohne Strunzerei – volle nüngunachzich! Hätt ich Flüjel,
ich höff aff, leet all dieTrottel unger mir
un löösch blitzartig hinjebeamt em wärme Bett ald nevven dir!
Ähnliche Videos
Tags: BAP, BAP Songtexte, BAP Videos, Frau Ich Freu Mich, Frau Ich Freu Mich Songtext, Frau Ich Freu Mich Video, Songtext, Songtexte BAP, Video
Keine Kommentare
Noch keine Kommentare.
RSS-Feed für Kommentare zu diesem Artikel. TrackBack URI
